Aaj for a change
Table pe padi book
mujhe ghoor rahi hai
ke kab itne dino se
mude huye panno ko kholungi
kab uski bhi jindagi
uss panne se aagey badhegi
kitne dino se
subah ki chai pi hai
mere sath us book ne
kitni baar mera lunch
Taste kiya hai
roz hi mere kharrato
se apni bhi neend bigadi hai
kahan roz main
padhte padhte neend ko bulati thi
kitni baar kitaab ko ghoor ke socha
ke aaj to bas, khatam hi kar dungi
na jaane kitne phone number
Store kiye hain anginat panno mein
Na jaane kitni baar mere
Phone pe gappe sune hain
Jab bhi yaad rakhna hota mujhe
Kitaab ke kaan marod ke rakh deti
Ke agle din mile wahi panna
Bhool gayi hoon bahut kuch
Padhna, share karna, hasna
Ignore kiya tha book ko
Aaj yaad dila rahi hai sab kuch!
No comments:
Post a Comment